انولد حبك وحبي من طفوله مشتته مالها عنوان ,,, } ~

فمان الجرح يا صاحب سكن فيني كثير ازمان
اغليته وامنته على روحي واهدى لي خياناته

فمان الظيم و المظيوم وجحود الطيب والنكران
فمان الدمع ياخلي { فمانه } فمان الفكر وخيالاته

انا ماجيتك اتمنن على كل ما مضى او كان
ولاجيتك ابي عذرك ولا كذبك ودمعاته

انا مدري من عليه الحق ولا منهو الغلطان
ومن فينا عليه اللوم ومن ماحس في زلاته

هي غلطتك يومك تخون العهد وحنا حسبة الاخوان ؟؟
ولا غلطتي يافلان اني عذرتك .. ولامنهي غلطاته

سنه راحت وهذي سنه بتروح وقلبي داخلي تعبان
ومدري كم بقى من عمري في صفحة معاناته

بقلب صفحتك يا خل خان خوت الخلان
وبنسى عمر به ذكراك في ظحكاته ووناته

عطيتك فرصتك واكثر حتى من الفرص احيان
عطيتك قبل تطلبني سعيت لعمرك وفرحاته

نسيت نفسي يا هالخل ابي بس شوفتك فرحان
وصرخ قلبي يذكرني لان منك كل طعناته

حسافه ياصديق الامس خذيت السر للعدوان
عرف به قريبي واللي ماحطني ظمن اهتماماته

من بقى يا { انت } وما عرف ااااااخ يانعمة الكتمان
جد انها ارحم لي من بوحي ومن جرحي وعذاباته

خطيت بهالثقه ظلمت نفسي بخوتك يافلان
قهر والله عطيتك حب كبيره حييييييل مساحاته

انولد حبك وحبي بطفوله مشتته مالها عنوان
وكبر هالحب وشفتك اقرب لي من عرقي ياجراحاته

حكينا كثير وحفظت الحكي وعاهدتك على الكتمان
وعاهدتني يبقى العهد سر محفوظه حروف كلماته

وفيتك بالعهد من طيب اصل ابوي والجدان
وخنت انت عهدي وتربية ابوك ووصاياته

ترى الكلب وهو في خلقته ماهو بشر حيوان
ما اذكر شفت لي كلب خاين صاحبه ولا اماناته

قلي علامك جازيت الوفا بخيانة عهد وبنكران
علامك ياقليل الذات علامك يا انعداماته

انا ماكنت اظن بيجي هاليوم ولا هو حتى بالحسبان
اني بنصدم وببدا احقق لجرحي حقه وانتقاماته

خذك رح بك كرهتك رح وانسى ترى ماعادنا اخوان
رح واذكر ملامح طعنك بنص القلب ونزفه وانهياراته

انا ادري لو تقرا قصيدي ماتحس لك شان
لانك تظن ماوصلني قولك واصابع اتهاماته

تدري من نطق بالحرف ووظحه لي وبان ؟؟
خلك اللي خنتني عنده خانك يرد لك بعض من جروحاته

ولا هي المره الاولى يجيني الحكي وانهان
ياكثر المواقف ولاظني هالموقف نهاياته

سكت كثير وكنت طيب واحذر طبعي الغضبان
قد قالو احذر شر هالطيب لا زادت غبيناته

يكفي اني العنك بوجهك عسى هالوجه للنيران
وانت بظهري تطعني وبوجهي تحلف في سلاماته

شف حتى الوقت صاير يضحك بك وشمتان
اشوفك تصفق للقصيد بجهل انك محور ابياته

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]